Мордовия Республикава Россиянь УФНС-сэ даволковонь 12-це чистэ ёвтазь ютазь иень важодемань невтевкстнэ ды путозь тевть сыця шкантень. Итоговой коллегиянть важодемасо ульнесь Мордовиянь Прявтось Артём Здунов.
Прявт невтевкстнэде пачтямо марто кортась Управлениянь руководителесь Юрий Горюнов. 2025 иестэ региононь УФНС-сь пачтясь доходт эрьва кодат уровнянь бюджеттнэс малав 134 млрд целковойть - те 17% седе ламо 2024 иенть коряс.
101,4% невтевксэнть марто налогонь пандоматнень пурнамонь покшолмась корты налогонь администрированиянть вадрячидензэ Управлениянть республикань руководстванть, местной самоуправлениянь органтнэнь, правань ванстомань ды контролирующей органтнэнь марто вейсэнь тевдеемань лувсо.
Тешкстазель, 2025 иестэ НДС-нь эрьва нилеце целковоесь пандозь вишка бизнесэнть пельде, эрьва 10-цесь - топавтозь Налогонь кодексэнть лувсо долктнень пандовтоманть вельде. 2025 иень невтевкстнэнь коряс взысканиянь тевтнень топавтомань лезэвчись малавгадсь 80 %.
Кемевиксстэ неяви организациятнень прибыленть лангс налогонь пачтямотнень касомань лувоськак. Республикань бюджетэнь пелькссэнть касомась кармась 107 % - те омбоце невтевкс ПФО-нь регионтнэнь ютксо.
2025 иестэ вейсэнь долкось киртявсь 185 млн целковойс. Долконь киртямонть коряс Мордовиясь саи вейксэце тарка Россиянь келес.
Республикасонть ламолгадсть уголовной тевтне налогтнень а пандоманть кисэ - мелят Следствиянь комитетэсь ушодсь сисем истят производстват. Целанек жо контрольной важодеманть лувсо пандовтозь 570 млн целковойть, те 42% седе ламо 2024 иенть коряс. Контрольно-аналитической важодемань невтевкстнэнь коряс бюджетс пачтязь 724 млн целковойть.
Общественностенть, бизнес-сообществанть марто ладязь кортамонь лувось лезды Россиянь ФНС-нтень получамс «каршо сюлмо» ды одкстомтомс клиентэнь сервистнэнь. Покш смусть максови налогонь пандыцятнень марто кортамонь аволь контактонь лувонь виевгавтомантень. Те максы цетавкст - мелят налогонь ды бухгалтерэнь 94% отчётностесь максозь электронной лувсо, пачтязь кулянь услугатнень явомс малав 390 тёжат электронной вешемат, физической лицятненень, истя жо специальной военной операциянь участниктненень ды сынст семиятненень ули-паронь налогтнень коряс 99,5% налогонь льготатне явозь яволявтомавтомо.
Эсь тевест топавтомадо башка налогонь органтнэ а кадовить ве ёно масторонь ды республикань общественно-политической эрямодонть. Управлениясь яви весемеёндонь лезкс боецтнэнень, конат ней СВО-сот.
Юрий Горюнов ёвтнесь налогонь законодательствасо од совавтоматнеде ды тешкстызе: «Минек тевенек – лездамс налогонь пандыцятненень саемс тевс законодательствасо весе од совавтоматнень ды полавтоматнень».
Республикань Прявтось Артём Здунов ёвтась сюкпря налогонь органтнэнь сотрудниктненень вадрясто важодеманть кисэ: «Ней евтазь цифратне кортыть, меельце вете иетнестэ вейсэнь важодеманть вельде минек моли виев касома. Республикантень ёмавтозь кемемась целанек вельмевтезь Россиянь Федерациянь финансонь министерстванть ды Правительстванть пельде. Ней минек ули финансонь дисциплина, ветяви важодема налогонь пандыцятнень марто, инвестициянь климатонть коряс минь совинек масторонь кемень субъекттнэнь юткс. Секскак минь шаштано седе тов сэтьместэ».
Республикань руководителесь явсь мель налогонь законодательствасо полавтоматнень коряс толковамонь ды кулянь важодемань ютавтоманть лангс, истя жо выездной ванноматнень апак ютавто налогонь пандыцятнень рискест витемань возможностенть лангс.
«Миненек эряви ванстомс инвестициянь климатонть, ванстомс эрьва вадря налогонь пандыцянть ды кастомс налогонь юронть. Республиканть социальной обязательстванзо касыть - теевсть чачтомантень, авакс улемантень ды эйкакшпорантень лездамонь, специальной военной операциянь участниктненень лездамонь программатне, инфраструктуранть эряви виевгавтомс. Секскак мон ёвтан мель бороцямс республикасонть эрьва налогонь пандыцянть кисэ, ёвтамс тенст – те минек вейсэнь тевенек, монь, Правительстванть, Федеральной налоговой службанть».
Артём Здунов тешкстызе, республикасонть весенень путови тев финансонь дисциплинань топавтоманть, долктнень а нолдамонть коряс, истя жо зарплатанть коряс. Башка мель эряви явомс льготань режимтненень, ломантне ды бизнесэсь арсевельть финансонь-хозяйствань тевдеемаст.
«Кеман, минек тынк марто ули вейкень-вейкень чарькодема. Вейсэ миненек эряви ванстомс экономиканть ды топавтомс сонзэ свалшкань касоманть. Минь эрьва чистэ важодтяно инвестициянь потенциалонь кастоманть коряс. Бути ломантне чарькодить, сынь топавтыть эсь тевест аэрявикс вешемавтомо ды сталмовтомо, сестэ сынь кадовить регионс. Информационной систематне эрьва ие одкстомтовить ды лездыть тенек улемс вешицякс, ансяк кемевиксэкс, паро ялгакс минек экономической субъекттнэнь марто, конат теить минек налогонь юронть. Покш сюкпря тенк истямо лувонть кисэ!» - мерсь Мордовиянь Прявтось.
Мордовия Республикань Прявтонь Пресс-службась