Ацамковонь 8-це чистэ Мордовиянь Прявтось Артём Здунов ютавтсь важодемань вастовома Национальной строительной политикань весероссиянь куншкакуронь руководителенть Александр Моор марто. Кортавсть региононть ведомстванть марто вейсэнь тевдеемань кевкстематне.
Ледстясынек, умарьковсто Саранскойсэ ютавтовсь «Лидеры строительной отрасли» федеральной пелькстамонь итогтнень евтамось. Изницятнень юткс совасть 30 специалистт. Эрьвась эйстэст невтинзе эсензэ проектэнзэ. Весе сынь совасть отраслянь кадрань резервантень.
Вейке участникесь, «Билдинг Групп» специализированной застройщикень учредителесь Дмитрий Новиков невтсь ламо квартирань вишка этажонь застройкань проект. Арсеви, те карми ошонть томбале комфорт-классонь микрорайон, тосо кармить парковкат, налксемань площадкат, микшнемань куншкакурот, эйдень кужо ды спортзал. Концепциясь невтезь Артём Здуновнень.
Региононь руководителесь кармавтсь ванномс истямо комплексэнь проектированиянть. Истя жо кортамось мольсь инновациянь проекттнэде.
Мордовия Республикань Прявтонь пресс-службась