Мордовиянь Прявтось Артём Здунов эйзюрковонь 4-це чистэ ютавтсь важодемань вастовома «РМ Рейл» компаниянь генеральной прявтонть Максим Тевс марто. Кортавсть од инвестпроекттнэнь топавтомась ды производствань одкстомтомась.
Тедеде Россиясо сталмонь усксиця подвижной составонь прявт производителесь тешксты эсь прявт активенть - «РМ Рейл Рузхиммашонь» теевема чистэнть 65 иетнень топодеманть.
«РМ Рейл» - аволь ансяк Мордовиянь, истя жо весе масторонь промышленной каштанчи. Апак вано отраслясонть ды вагоностроительной рынкасонть аволь шожда тевтнень лангс, предприятиясь важоди свалшкань лувсо, истя жо топавты корпоративной политиканть ды свалшкане келейгавты важодицятненень лездамонь тевтнень», - тешкстызе Артём Здунов.
Предприятиясь ютась ки нефтехимической оборудованиянь теицянть эйстэ саезь неень шкань покш технологичной производственной комплексэнть видьс, интегрированной холдингень драйверэнть видьс. «РМ Рейл» компаниянь касомань-кепетемань лувонть юрсо - эксплуатациянь вадрялгавтозь ёнкс марто наукоемкой инновациянь вагонтнэнь анокстамось.
Тешкстазель, свалшкане ветяви производствань вийтнень одкстомтомась. 2025 иень невтевкстнэнь коряс подвижной составонь малав 12 тёжат единицат – те Россиянь вагононь строямонь рынкань 22%.
Предприятиясонть ней важодить 3600 седе ламо ломанть. Предприятиянть виевгавтомасо покш тарка саить программатне, конат аравтозь важодицятнень профессиональной ды карьерань касомантень. Предприятиясь эрязасто вейсэндявсь «Профессионалитет» федеральной проектэнтень.
Прявтось, «РМ Рейл Рузхиммашось», кода компаниянь лия предприятиятнеяк, топавты социальной лезксэнь ламо тевть. Тедеде келейгавтозь корпоративной эрямо таркань программась, кемекстазь пандомат омбоце, колмоце ды седе меельце эйкакштнень чачтомаст кисэ – 100 тёжат целковойть ды 500 тёжат целковойть. Эйдень кужонть кисэ компенсация пандови сотрудниктненень, конатнень улить эйдень кужотнес яксиця эйкакшост; шумбрачинь ванномат.
«Заводось ульнесь ды кадови се двигателекс, конась максы лувонть ды ёнксонть, тулкади компаниянть од тёкштнес ды сынст топавтомантень. Минек тевенек - кирдемс васенце таркатнень, ванстомс свалшкань вадрячинть ды кемевиксчинть, поладомс путомо инвестицият ломантнень эйс ды технологиятнес, штобу седе тов невтемс сехте вадря цетавкс», - тешкстызе Максим Тевс.
Мордовия Республикань Прявтонь Пресс-службась