Февралень 17-це чистэ Мордовиянь Прявтось Владимир Волков вастневсь Юстициянь весероссиянь государственной университетэнь (Россиянь Минюстонь РПА-нь) ректоронть Ольга Александровань марто. Кортамось мольсь те университетэнть Саранскоень филиалонть важодемадонзо. Ольга Александрова тешкстызе, сон сови вузонь колмо сехте вадря филиалтнэнь юткс.
Тедеде юстициянь университетэсь совавты эрямос од проект - эсест институттнэнь юрсо панжи рузонь классической гимназият. Пилотной регионокс кармить Московось, Саранскоесь ды Ростов-на-Дону оштне.
Владимир Волков мерсь, сон лезды университетэнь те ушодксонтень. МР-нь Прявтось кармавтсь Правительствантень ванномс те кевкстеманть, муемс образовательной од учреждениянтень тарка.
Вастовомасонть истя жо ульнесть МР-нь Правительствань Председателень полавтыцясь Галина Лотванова ды Юстициянь весероссиянь государственной университетэнь васенце проректорось Дмитрий Гурьев.
Мордовия Республикань Прявтонть пресс-службась