Мордовиянь Прявтось Владимир Волков ютавтсь важодемань вастовома Н.П.Огарев лемсэ Мордовиянь государственной университетэнь ректоронть Сергей Вдовин марто. Кортавсть республикань прявт вузонь виевгавтомань кевкстематне, сонзэ научной ды инновационной тевдеемань итогтне. Истя жо кортамось мольсь высшей образованиянь доступностенть кастомадонзо. Ледстясынек, Россиянь Президентэсь Владимир Путин Федеральной Собраниянтень Кучомасонзо явсь те кевкстемантень башка мель.
«Кадратнень анкостамонь ды таркатнесэ сынст кирдемань кевкстемась республикнать туртов пек эрявикс, – тешкстызе Владимир Волков. – Арсеви эрьва ие вузтнэсэ ламолгавтомс бюджетэнь тарктанень, максомс сынст региононь вузтнэнень».

Уш тонавтнемань од иестэ редявикстэ полавтови медицинань специальностень коряс саемась («Лечебное дело» специальностенть коряс 70% бюджетэнь таркатне кармить целевоекс, «Педиатрия» специальностенть коряс – 75%).

Ректорось ёвтнесь региононь руководителентень ютазь иестэ вузонь научной тевдеемань невтевкстнэде. НИОКР-нь вейсэнь пкошолмась, конань топавтызе университетэсь, кармась 300 млн целковойде ламо. (2018 иентень касомась – 7%). Прядозь зярыя проектт, конатне топавтовсть предприятиятнень лезэс. Республикань Прявтось кирдизе ректоронть мелензэ теемс университетэнть юрсо «Фотоника и промышленная электроника» регионъютконь научно-образовательной куншкакуро.
Истя жо кортавсть университетэнть пингстэ лицеень виевгавтомань кевкстематне, арсевить панжомс анокстамонь од енкст.

Мордовия Республикань Прявтонть пресс-службась