Мордовиянь Прявтось Владимир Волков ютавтсь важодемань вастовома «Оптикэнерго» компаниятнень группань кирдийтнень – прявттнэнь Советэнь председателенть Эвир Боксемир ды генеральной прявтонть Михаил Боксемир марто. Кортавсть 2019 иестэ кабельщиктнень важодемань цётавкстнэ ды 2020 иентень производствань аратвлувтне.

Тешкстазель, мелят компаниянь группань предприятиятне невтсть производстваньь касома (103%), теезь 120 важодемань таркат, средней зарплатась кармась 41 тёжа целковойть. Нолдазь кавто од производстват, истя жо «Сарансккабель-Оптика» предприятиясонть ушодозь импортонь полавтыця продукциянь нолдамось.
Неень шкане, «Электрокабель» Ассоциациянть ванновтонзо коряс, Саранскоесь ловови Россиянь кабелень промышленностень куншкакурокс. Мордовиянь кабелень предприятиятнень вейсэнь производствань покшолмась кармась 25 млрд целковойть – региононь валовой продуктонь кеменце пельксэсь.
Мордовиянь Прявтось Владимир Волков тешкстызе: республикань кабелень кластерэнь предприятиятнень икеле ашти покш тев седе эрязасто лисемс омбо масторонь рынкатнес. Ней республикань кабелень продукциясь пачтяви 16 мастортнэс, ютксост Китай, США, Израиль, Индия, Австрия.

Мордовия Республикань Прявтонть пресс-служба