Мордовиянь Прявтось Владимир Волков якшамковонь 28-це чистэ ульнесь республикань МВД-нь коллегиянь покш промкссонть. Тосо ёвтазельть 2019 иестэнть внутренней тевень органтнэнь важодемань итогтнень.
Ведомствань прявтось Борис Шейнкин ёвтызе регионсонть оперативной обстановканть ванновт ало аштицякс, ёвтась сюкпря региононь руководствантень ды правань ванстомань блоконть коряс коллегатненень правопорядоконь кевкстематнень витемасо вейсэнь важодеманть кисэ. Россиянь Федерациянь субъекттнэсэ полициянь тевдеемадонть эрицятнень кевкстнемаст коряс Мордовиясь кандови сеть регионтнэнь юткс, косо пек покш кемемась внутренней тевень органтнэнь важодемантень.
Полициянь важодемасо прявт тевтнень ютксо министрась тешкстызе правань коламотнень профилактиканть. Те ёнкссо мероприятиятне коень коряс топавтовить региононь ды муниципальной программатнень лувсо. Тень вельде 5,7% киртязь зыянов тевтне, конатнень топавтыть икеле судязетне, 14,2 % киртявсть кудоютконь зыянов тевтне. Республиканть келс киртявсть ДТП-не, седе аламо правань коламот топавтсть иредьстэ ветицятне.
Мордовиянь Прявтось Владимир Волков прявт тевтнень ютксто, конат аштить правань ванстыцятнень икеле тедеде, ёвтынзе куротнесэ ды общественной таркатнесэ правопорядоконь топавтоманть, истя жо ЖКХ-нь сферасо коломатнень марто бороцямонть. Башка мель республикань Прявтось явсь аволь алкуксокс важодиця управляющей компаниятнень каршо важодемань казякавтомантень.
«Кода корты Президентэсь, важодеде сеть кевкстематнень коряс, конатне токшить ломаненть, конатнень марто ломанесь вастови эрьва чистэ, – мерсь Владимир Волков. – Тынь ламо мезе теиде меельце шкастонть, мон ёвтан тенк сюкпря, ансяк те отраслясь истямо, бути эрьва чистэ а ваномс мельганзо, сестэ мезеяк а топавтови. Секскак монь энялдомам: карматанок важодеме те ёнкссонть седе тов».
Эштё вейке прявт ёнксось – од ломантнень ютксо правань коламотнень профилактикась. Мордовиянь Прявтось кармавтсь Правительствантень правань ванвтомань органтнэнь марто вейсэ кирдемс пшти ванновт ало кевкстематнень, конат сюлмавозь эйкакштнень сэтьмечист марто, а нолдамс наркотикень веществатнень ды никотинэнь кирдиця човорявктснэнь микшнеманть, куроксто тевдеемс тонавтыцятнень ды тетянень-аватнень, социальной службатнень пельде сыця пачтямотнень коряс. Теде башка, региононь уровнясонть эряви кемекстамс закон, конань коряс а мереви микшнемс неть веществатнень кевгавксово иеде седе вишкинетнень туртов.
«Республикаоснть эряви кемекстамс истямо решения сеть полномочиятнень лувсо, конатне минек улить, – пшкадсь Мордовиянь Прявтось МР-нь Госсобраниянь Председателентень. – Эйкакштнень морямонть а нолдамга».
Республикань Прявтось ёвтась сюкпря правань ванстыцятненень профессиональной службанть кисэ, ёвтась кемема, внутренней тевень органонь важодицятне седе товгак кармить вадрясто топавтомо икелест путозь тевтнень.
Коень коряс полициянь важодицятненень, кить невтсть покш результатт оперативно-служебной тевдеемасонть, максозь казнеть.
Коллегиянь важодемасонть ульнесть Мордовия Республикань Государственной Собраниянь Председателесь Владимир Чибиркин, Мордовия Республикава прявт федеральной инспекторось Михаил Сезганов, республикань правань ванстомань ды контролень-надзоронь органтнэнь прявттнэ.
Мордовия Республикань Прявтонть пресс-службась