Мордовиянь Прявтось Владимир Волков ютавтсь важодемань вастовома Мордовия Республикава судебной приставтнень Федеральной службань Управлениянь руководителенть Юрий Могин марто. Кортавтсь службанть республикань исполнительной властень органтнэнь марто вейсэнь важодемань кевкстематне, истя жо 2019 иестэ ведомствань тевдеемань итогтне.
Те шканть перть судебной приставтне пандовсть 3 млрд. 317 млн целковойть, Россиянь Федерациянь бюджетэнь системас пачтязь 1 млрд. 281 млн. целковойть.
Мордовиянь Прявтось Владимир Волков тешкстызе, бюджетэнь доходонь пельксэнть шкастонзо пештеманть эйстэ, истя жо сеть ярмактнень вельде, конатнень пандовтыть судебной приставтне, ашти республикасонть социальной пандовкстнэнь шкастост максомась, региононь эрицятнень туртов прявт программатнень топавтомась.
Республикань Прявтось кармавтсь башка ванновт ало кирдемс исполнительной производстватнень, конат кандовить социальной эрявикстнэнь юткс: те алименттнэнь ды зарплатанть пандовтомась.
Мордовиянь прявт судебной приставонть валонзо коряс, мелят Управлениянь структурань подразделениятнесэ топавтомасо ульнесть 2,5 тёжадо ламо исполнительной производстват зарплатань коряс долгонть пандовтомадо, 93% ламо топавтозь.
Вадря динамика тешкстазь алименттнэнь пандовтомаст коряс. 2019 иестэ пандовтозь 163 млн целковойть.
Важодемань вастовомасонть ульнесь Мордовиянь Правительствань Председателень полавтыцясь Геннадий Комусов.
Мордовия Республикань Прявтонть пресс-службась