2027 иенть видьс Мордовиянь электроэнергетикань виевгавтомань программань прявт енкстнэде пачтясь МР-нь Правительствань Председателень полавтыцясь – энергетикань ды жилищно-коммунальной хозяйствань министрась Игорь Чадов. Сон тешкстызе, республикань электросетень хозяйствань структурась лади вешематненень.
Промксонтень пурнавозетне кортасть электросетень хозяйствань одкстомтомань кевкстематнеде ды электросетень организациятнень инвестициянь программатнеде.
Мордовиянь Прявтось явовтсь Правительствань башка мель: электроэнергетикань виевгавтомань республикань программасонть улест региононь инвестиционной стратегиянть лувсо проекттнэ, конатнень арсеви топавтомс. Истя, Артём Здунов тешкстызе «Лисма» заводонть юрсо индустриальной парконь теемань эрявиксчинть.
Мордовия Республикань Прявтонь пресс-службась