Мордовиянь госуниверситетэсь аноксты тешкстамс Бахрейнэнь компаниятнень марто вейсэнь тевдеемадо вейсладямо, конась ули аравтозь истя жо вейсэнь программатнень, исследовательской ды научно-образовательной проекттнэнь топавтоманть лангс. Икеле РФ-со Бахрейн Королевствань Чрезвычайной ды Полномочной Посолось явсь мель рузонь келень коряс, биотехнологиятнень, информационной технологиятнень, фармацевтикань ды медицинань енкссо специалисттнэнь анокстамонть лангс.
Теде башка, кемекстазь кортамо Персидской заливень мастортнэнь рынкатнес биотехнологической продукттнэнь шаштомадост.
Вастовоманть шкасто истя жо кортавсть Бахрейн Королевствав республикань предприятиятнень продукцияст пачтямонь кевкстематне. Истя, кортамось мольсь фанерань, чипаень менчевиця модультнень, ванстомань автоматизированной систематнень ды таркасто таркас шаштневиця мастерскойтнень пачтямодост.
Енкстнэ кортасть Россияв Бахрейнэнь предпринимательтнень сыця бизнес-миссиянть лувсо деловой сюлмотнень поладомадост.
Мордовия Республикань Прявтонь Пресс-службась