Корпорациянь делегациясь истя жо якась Мордовиянь Технопарков ды ваннынзе «Лисма» заводонь производствань площадкатнень. «Система» АФК-сь бажи кармамс республикань индустриальной партнерокс зярыя енкстнэнь коряс, сынст ютксо – оптоэлектроникась ды кремниень карбидэнь производствась.
Вейсэнь важодемань кевкстематнень кортамосо ульнесть Мордовиянь Правительствань Председателень васенце полавтыцясь Игорь Фрейдин, МР-нь промышленностень, наукань ды од технологиятнень министрась Игорь Губайдуллин, МР-нь цифровой виевгавтомань министрась Игорь Вольфсон.
Мордовия Республикань Прявтонь пресс-службась