Федерациясь вети эряза тевдеема, апак вано Россиянть каршо кемекставиця санкциятнень лангс, улить республиканть марто ладязь вейсэнь тевдеемань сюлмот.
«Минь арсетяно ютавтомс Мордовиясо зярыя акцият масторлангонь виев боксертнэнь марто, конат вечкевить ваныцятненень ды кирвазтить од боксертнэнь седеест. Боксонтень тынк мелень явомадонть содазь, кемтяно, минек мелесь-арсемась ули кирдезь», – пшкадсь Артём Здунов профессиональной боксонь Евразийской федерациянь президентэнтень Михаил Денисовнень.
Боксонь коряс олимпийской чемпионтнэ, масторлангонь ды Европань чемпионтнэ ютавтыть мастер-класст спортивной школатнес якицятнень, тетяст-аваст ванновтомо кадовозь эйкакштнень ды «Надежда» республикань социальной приютонь эйдетнень туртов. Мероприятиятнесэ саезь ярмактне пачтявить Саранскоень эйкакшонь кудотнес.
Истя жо кортасть Мордовиянь спортонь инфраструктурань вадрячинть ды доступностенть коряс, мероприятиятнень ютавтоманть туртов сехте вадря таркатнеде, истя жо шабра ренионтнэстэ ваныцятнень тосо улемадост.
Мордовия Республикань Прявтонь пресс-службась