Оперативной штабонь промкссонть ветявсь кортамо муниципальной районтнэсэ лабораториятнень панжомадост, косо эрицятненень мереви куроксто теемс тест коронавирусонь инфекциянть лангс.
Кода тешкстызе Мордовия Республикань Прявтонь тевтнень нурька шкас топавтыцясь Артём Здунов, те лезды велетнесэ шкастонзо явомс эрявикс лезкс. Положительной васенце тесттэнть мейле ломаненть а сави ускомс Саранскоев диагнозонь путоманть туртов. Сонзэ кармить лецямо клинической невтевкстнэнь коряс, ванстомо питней шканть.
Артём Здунов кармавтсь МР-нь Минздравонтень ванномс велетнесэ лабораториятнень теемань весе ёнкстнэнь. «Прявтось, неть лабораториятне улест ломантнень маласо», - тешкстызе Мордовия Республикань Прявтонь тевтнень нурька шкас топавтыцясь.