Мелят МР-ва Росгвардиянь Управлениянь важодицятне ванстсть сэтьмечинть 96 покш мероприятиятнень шкасто. Ванстсть общественной сэтьмечинть Россиянь ды Сан-Мариной сборнойтнень ды Россиянь ды Сербиянь од ломанень сборнойтнень ютксо футболонь матчтнень шкасто. Ульнесть преступниктнень кундамонь 200 ламо операциятнесэ, эзть нолда 500 правань коламот. ОМОн-нь ды СОБР-нь личной составтне топавтыть служебной тевтнень Северэнь Кавказонь регионтнэсэ.

Ютазь иестэ ведомствань важодемань итогтне кортавсть Мордовиянь раськень драмань театрасонть. Промкссонть ульнесь Мордовиянь Правительствань Председателесь Владимир Сушков.
Премьерэсь кортась социально-экономической сферасонть республиканть изнявксонзо коряс. «Неть тевтне топавтовить властень весе уровнятнень ды эрьва кодат структуратнень, истя жо виенсетнень, вейсэнь важодемаст вельде. Правань ванстомань органонь важодицятне топавтыть сэтьмечинть ды витить тевть ламот лия ёнкстнэнь коряс», – мерсь сон.

Регионсонть оперативной обстановкась свалшкань ды ашти пшти ванновт ало. Киртявсть зыянов каявоматне, саламотне. Текень пингстэ редязь зыянов тевтне ламолгадсть. «Ве ёндо те корты правань ванстомань системанть вадря важодемадонзо. Лия ёндо – те гайневтема седе, мезе лангс эряви явомс покш мель», – тешкстызе Владимир Сушков.

Пачтямо марто пшкадсь региононь Росгвардиянь руководствась, сехте вадря важодицятненень максозь казнеть.

Теде башка, те чистэнть одкстомтовсь ведомствань автопаркось, росгвардеецтнэнень макссть ключт од ВАЗтнэнь пельде.

Саезь: «Известия Мордовии» газетастонть