Ожоковонь 13-це чистэ Мордовия Республикань Прявтонть Указонзо коряс МР-нь Велень хозяйствань ды продовольствиянь министракс аравтозь Александр Кечайкин. Александр Николаевич чачсь 1972 иестэ Мордовиянь АССР-нь Покш Березникень енксонь Симкина велесэ. 1994 иестэнть прядызе Н.П.Огаревонь лемсэ МГУ-нть «Ветеринария» специальностенть коряс.
Важодеме ушодсь Ракшатнень орматнень каршо бороцямонь коряс Саранск ошонь станциясонть ветеринарной врачокс, мейле ульнесь эпизоотической отрядонь прявтокс. 2000 иестэнть саезь - Мордовия Республикань Ветеринариянь управлениянь Мордовия Республикань эпизоотической отрядонь ведущий ветеринарной врач. 2004 иестэнть саезь - «Мордовская республиканская станция по борьбе с болезнями животных» ГБУ-нь прявт ветеринарной врач. 2017 иестэнть саезь - Мордовия Республикань ветеринарной службань прявт. Те иень таштамковсто саезь аравтозь МР-нь Ветеринарной службань прявтонь тевтнень топавтыцякс.
Казезь Мордовия Республикань Велень хозяйствань ды продовольствиянь министерствань, Мордовия Республикань Правительствань Почетонь грамотатнесэ, Россиянь Федерациянь Велень хозяйствань министерствань Благодарностесэ. Мордовия Республикань Заслуженной ветеринарной врач.