«Мордовиянь уш 11 тёжат школасо тонавтницятне кармасть «Мир возможностей» проектэнь участникекс, кирдтяно каштанчи минек эйкакштнень изнявксост кувалма, кирдтяно каштанчи: тетятне-аватне кассть истят тештинеть, - пшкадсь промксонтень пурнавозетненень Мордовиянь Прявтось, «Единая Россия» Партиянь Мордовиянь региононь отделениянь Секретаресь Артём Здунов. - Ансяк ютазь тонавтнемань иестэнть минь ютавтынек кото покш акцият, конатнес вейсэндявсть 267 тонавтнемань организацият. Те покш токшема - минь апак пеле ютатано минек республикаванть. Минь истя жо кирдтяно каштанчи минек куратортнэнь, наставниктнень, тонавтыцятнень кувалма».
Мордовиянь улемань цетавкстнэ кортыть эсест кисэ: 134 региононь изницят ды 58 школасо тонавтницят кармасть весероссиянь уровнянь финалистэкс ды ульнесть «Артексэ». Мордовиясь истя жо эрязасто топавты «Правильно быть здоровым!» ды «Цифровой Я» проекттнэнь.
«Весе те моли вейкесь омбоцестэнть – ушодксось моли общественностенть, организациятнень пельде, мейле тееви федеральной покш проектэкс!» - тешкстызе республикань Прявтось.
«Коень коряс Мордовиясь – минек весе ушодкстнэнь туртов варчамонь площадка. Тесэ минь лезэвстэ максстано ушодкст ды тейтяно цётамот минек икеле молиця весе проекттнэнь коряс, конат мейле туить масторонь келес. Минь тейтяно ламо примерт подражаниянть туртов ды анокстатано од лувт, конат лездыть топавтомс тевтнень, конатнень путынзе Президентэсь духовно-нравственной свалшкань питнейчитнень ванстоманть коряс», - мерсь «Единая Россия» партиянь «Мир возможностей» федеральной партийной проектэнь координаторось Роман Романов. Сон ёвтнесь проекттнэде ды акциятнеде, конат ютавтовить 2026 иестэ (ламотне эйстэст чачсть Мордовиясо), истя жо тешкстызе, «Мир возможностей» - Госсоветэнь «Семья» ёнксонть коряс комиссиянь союзникесь, конань Россиянь Президентэнть решениянзо коряс вети Артём Здунов, превтнень кисэ тюремасонть, семиятнень марто важодемасонть ды демографиянь повесткань тевтнень витемасонть.
«Мир возможностей» прявт проекттнэстэ вейкесь – «История России в великих святых». Артём Здунов ёвтась сюкпря Саранскоень ды Мордовиянь митрополитэнтень Зиновийнень ушодксонть кисэ, федеральной партийной проектэнь координаторонтень Роман Романовнень – сонзэ топавтомантень мелень явоманть кисэ. «История России в великих святых» проектэсь лиссь васоло Мордовиянть томбалев, 55 субъекттнэстэ вейсэндинзе 1000 ламо школатнень. Ней проектэсь уш эри эсензэ эрямосо, а иневанькстнэ, конатнеде ёвтнить эйкакштненень, ламолгадсть 24-с.
«Минек акциясь ульнесь одокс, ансяк сон эзь ульне экспериментэкс, конань лезэвчись а неяви, - тешкстызе эрявиксчинть Саранскоень ды Мордовиянь митрополитэсь Зиновий. - Эйкакштне аволь ансяк маризь лемтнень - сынь неизь мельгаст ломанень подвигенть, кандовоманть, Тиринь масторонтень вечкеманть ды кемеманть. Зярдо покш классо тонавтницясь сонсь ютавты урок, ёвтни ялганзо туртов князенть, ушмодеенть ланга, содамочись юты од уровняс – эсь потмоёжонь уровняс».
Общественной советэнь промкссонть лувсо «Мир возможностей» партиянь проектэнь акциятнесэ улемадост ёвтнесть Ялгань школань воспитаниянь ды эйкакшонь общественной вейсэндявкстнэнь марто вейсэнь тевдеемань коряс прявтонь советникесь Ольга Минликаева, саранскоень 19 № гимназиянь историянь тонавтыцясь Иван Гречишкин, ДНР-сэ «Мир возможностей» федеральной партийной проектэнь координаторось Елена Никитина, Новоакшинань школань тонавтницясь Даниил Новиков ды Покш Березникень школань тонавтницянть Виктория Авдошкинань авазо - Лариса Дмитриевна.
Н. П.Огарёв лемсэ МГУ-нь ректорось Дмитрий Глушко ёвтнесь Россиянь духовно-нравственной питнейчитнень кирдемань ды дискредитациянь коряс панжадо даннойтнень мониторингень ды анализэнь варчамонь коряс варчамонь проектэнть топавтомадонзо.
Мордовия Республикань Прявтонь Пресс-службась