Кортамось истя жо мольсь Саранскоень троллейбусонь ды автобусонь парконь одкстомтомасо «КАМАЗ» ПАО-нть улемадонзо. Енкстнэ кортасть тедеде 25 троллейбустнэнь ды 10 автобустнэнь рамамодост.
Вастовомасонть истя жо кортасть «Верстакофф» Мордовиянь компаниянть марто кооперациянь сюлмотнень виевгавтомадост. Мелят те форумсонть КАМАЗонь представительтне явсть мель «Верстакофф» компаниянь витнемань мастерскойтненень, конатне теезь МАЗ шасситнень лангс. Кармавтыцянть энялдоманзо коряс компаниясь анокстась КАМАЗ шассинть лангсо техникань варчамонь кавто образецт. Вастовомасонть енкстнэ састь мельс поладомс вейсэнь тевдееманть - «Верстакофф» компаниянтень максови покш заказ КАМАЗонь пельде. Истя жо кортавсь республикасонть КАМАЗ автомобильтнень шассинть юрсо таркасто таркас шаштневиця витнемань мастерскойтнень производствань теемань кевкстемась.
Вастовомасонть ульнесть МР-нь Правительствань Председателень тевтнень топавтыцясь Батыр Эмеев, МР-нь Правительствань Председателень васенце полавтыцясь Наталья Таркаева, МР-нь экономикань, микшнемань ды предпринимательствань министрась Иван Горин, МР-нь промышленностень, наукань ды од технологиятнень министрань тевтнень топавтыцясь Александр Давыдкин, «ТПК «Верстакофф» ООО-нь генеральной прявтось Игорь Силин.
Мордовия Республикань Прявтонь Пресс-службась