Пленарной сессиянть лувсо ютавтовсь «Здравоохранение» национальной проектэнть лувсо шумбрачинь ванстомань первичной звенань одкстомтомань программатнень топавтомань цетавкстнэнь коряс регионтнэнь каземась. Мордовиясь совась кемень сехте вадрятнень юткс. Татьяна Голиковань кедьстэ казненть саизе МР-нь Шумбрачинь ванстомань министрась Олег Маркин.
«Меельце иетнень перть федеральной центранть покш лезксэнзэ пингстэ алкукс ламо удалась теемс, республикань эрицятненень явовсь медицинань вадря обслуживания. Сюкпря Президентэнтень шумбрачинь ванстомань первичной звенань одкстомтомань программанть поладоманзо кисэ – а манясынек!» – мерсь Мордовиянь Прявтось Артём Здунов.
Тешкстасынек, Мордовиясь примась ероков участия Шумбрачинь чисэнть. Невтемакс, республикань стендэнь ваныцятненень меревсь ютамс комплексной диагностикань ваннома. Мейле весенень максовсь врачонь-терапевтэнь консультация, явшевсть башка рекомендацият. Теде башка, весень, кинь ульнесь мелезэ, тонавтсть явомо медицинань васенце лезкс. Стендэнь инжетненень истя жо невтезельть ваннома материалт эрямонь шумбра лувонть коряс.