Енисеень Сибирень Виевгавтомань Корпорациясь – Красноярской енкссо инвестициятнень явовтомань ды инвестортнэнь марто важодемань коряс специализированной организация. «Енисейская Сибирь» инвестиционной проектэнь топавтомась – те Красноярской енксонь, Хакасия Республикань, Тыва Республикань виевгавтомань лувось. Неень шкантень КИП-нь совить 40 инвестиционной проектт, яволявтозь вейсэнь инвестиционной питнесь – 3,1 трлн целковойть 2019-2030 иетнес.
«Содавтоманть шкасто максынек вейке-вейкенень опыт ды карминек содамо ламо од – коллегатнень мельстуиця лувост инвестортнэнь марто важодеманть коряс. Сынь улить лезэвть минек республиканть туртовгак», – тешкстызе Мордовия Республикань Правительствань Председателень полавтыцясь Батыр Эмеев.
Истя жо Батыр Эмеев ды МР-нь Вирень, охотничьей хозяйствань ды природопользованиянь министрась Адель Галиуллин якасть СФУ-нь Гастрономиянь институтонтень. Те Россиясо васенце ды сехте вадря гастровуз, конась кармась Поль Бокюзонь раськеютконь 6 институттнэнь ютксто вейкекс.
«Мордовиянь Прявтонть Артём Алексеевич Здуновонь кармавтоманзо коряс кортынек Мордовиясо гастровузонь филиалонь панжомань возможностенть коряс. Арсетяно теемс минек студенттнэнь туртов эрявикс условият, сынь получавольть образования ресторанонь бизнесэнь весе енкстнэнь коряс (маркетинг, логистика, финанст, персоналонь управления ды истя седе тов) региононь томбалев апак туе», – тешкстызе Батыр Эмеев.
МР-нь Пресс-центрась