Артём Здунов тешкстызе: Турецкой Республикась – Мордовия Республикань микшнемань прявт партнертнэнь ютксо вейкесь, ды регионось яви мель микшнемань-экономикань вейсэнь тевдеемань седе тов виевгавтоманть ды келейгавтоманть лангс. 2024 иестэ Мордовиянть ды Турецкой Республиканть ютксо микшнемань оборотось кармась 11 млн. США-нь долларт.
Вастовоманть шкасто кортавсть Турецкой Республикав светотехнической, резинотехнической, кабельно-проводниковой продукциянь, строямонь материалтнэнь, ярсамопелень промышленностень теевкстнэнь пачтямонь кевкстематне. Презентация марто пшкадсть Мордовиянь Минсельхозонь руководителесь Сергей Канаев, «Лато», «Плайтерра», «Сарансккабель», «ТКМ» республикань предприятиятнень руководительтне.
Артём Здунов тердинзе Турциянь коллегатнень самс республикав бизнес-миссия марто региононть ды микшнемань потенциальной партнертнэнь марто седе домкасто содавиксэкс теевеманть туртов.
Мордовиясь истя жо карми анокстамо делегация Турцияв. «Минек покш потенциалонок седе тов вейсэнь тевдеемань виевгавтоманть туртов», – тешкстызе республикань Прявтось.
Мордовиянь весе промышленной линейкась маласо шкастонть ули невтезь Турциянь енксонтень Турциянь-Россиянь деловой советэнь площадкасонть.
Мордовия Республикань Прявтонь Пресс-службась