Аштемковонь 10-це чистэ Республикань Кудосонть Мордовиянь Прявтонтень Артём Здуновнень невтизь суликань ды машиностроениянь отраслятнень туртов чугунсто ды бронзасто формокомплекттнэнь ды запасной пелькстнэнь теемань коряс пешксе циклань производствань покш технологиянь комплексэнь проектэнть. Производстванть арсеви нолдамс «Система» ОЭЗ-нть ды «Светотехника» индустриальной парконть вакссо.
Кода тешкстызе «Гласс Декор» КГ-нь генеральной прявтось Владимир Арутюнов, од заводось лезды топавтомс покш точкань комплектующейтнень теемань пешксе цикланть. «СК «Развитие» ООО-нь ды «РСУ «Гласс Декор» ООО-нь исполнительной прявтось Сергей Агеев мерсь, неень шкане стеклоформующей машинатнень туртов формокомплекттнэнь коряс, конат эрявить полой изделиятнень ды стеклотаратнень, истя жо лия отливкатнень тееманть туртов, Россиянь рынкань 95% вешематнень топавтыть омбо масторонь поставщиктне. Покш технологичной линиянть нолдамодо мейле удалы лисемс 600 формокомплекттнэнь вийс иезэнзэ, те лезды пекстамс отечественной рынкань вешематнень малав нилеце пельксэнть. Теде башка, редявикстэ киртяви продукциянь пачтямонь шкась, те канды лезэ потребителенть туртов меельце питнентень коряс.
Кода тешкстазель, теевкстнэнь ассортиментэсь лезды аволь ансяк суликань тарань ды изделиянь нолдыцятненень, истя жо лезды нолдамс детальтнень машиностроительной отраслянть туртов покш видечи ды процессэнь автоматизация марто. Те, невтемакс, тормозонь дискт, стака геометрия марто детальть, специализированной крепеж ды лия позицият, конатнесэ Россиянь производительтнень ули покш вешемаст.
Проектэнть арсеви топавтомс 2028 иентень, теевить малав 100 важодемань од таркат.
Мордовия Республикань Прявтонь Пресс-службась