Якшамковонь 19-це чистэ Республикань Кудосонть тешкстазь вейсэнь важодемадо меморандум Россиянь-Германиянь внешнеторговой палатанть, «Ремондис» ООО-нть, Саранскоень электромеханической колледженть ды Мордовия Республикань Образованиянь министерстванть ютксо. Документэнть коряс арсеви топавтомс вейсэнь тевдеема отходтнэнь марто важодемань енкссонть покш профессиональной кадратнень анокстамонть коряс.
Мероприятиясонть ульнесть Мордовиянь Прявтось Артём Здунов, Россиянь-Германиянь внешнеторговой палатань правлениянь председателесь Матиас Шепп, «Ремондис» компаниянь руководствась.
Тешкстазь вейсладямонть лувсо тонавтнемань од иестэнть Саранскоень электромеханической колледжесь ушоды анокстамо специалистт пешксе циклань экономиканть ды отходтнэнь марто важодеманть коряс.
Мордовиянь Прявтось Артём Здунов тешкстызе те анокстамонь эрявиксчинть. "Те енксмонть лезэвстэ важодеманть туртов эряви тонавтнемс европань партнёртнэнь технологиятнень ды опытэнть", - тешкстызе региононь руководителесь.
Тонавтнемстэ студеттнэ теевить содавиксэкс технологиятнень марто аволь ансяк учебниктнень коряс, истя жо «Ремондис» компаниянь производственной участкатнесэ.
Мордовия Республикань Прявтонь пресс-службась