Якшамковонь 27-це чистэ Саранскойсэ ютавтовсь республикань Правительствань промксось, косо ванновсь Россиянь Федерациянь Президентэнть Федеральной Собраниянтень Кучомань положениянь топавтомань коряс Мордовиянь Правительствань тевдеемань Программась. Документэнь проектэсь аравтозь демографиясо кевкстемтанень витемантень, эрицятнень доходост кастомантень, здравоохранениянь, образованиянь, спортонь ды физической культурань кастомантень-кепетемантень, республикань экономикань виевгавтомантень.
Кортамось мольсь минек региононть инвестициянь привлекательностенть кастомадонзо, те тевенть путызе Мордовиянь Прявтось Владимир Волков. Республикань Правительствань Председателесь Владимир Сушков кармавсь ванномс меельце иетнестэ топавтозь инвестициянь проекттнэнь эйстэ бюджетэнь ды социальной лезксэнть. Владимир Сушков мерсь, эряви топавтомс инвестпроектт ЖКХ-нь, энергетикань, ки лангонь хозяйствань, транспортнонь услугань, экологиянь, туризмань сфератнесэ ды ладямс инвестортнэнь марто важодеманть вейке вальмань лувсо.
Кортавсь государственной ды муниципальной управлениянь качествань кастомась, истя жо конёвтомо документооборотонтень ютамось. Республикнаь Правительствань Председателесь кармавтсь те ёнкссо масторонь регионтнэнь опытэст. Истя жо прявт тевтнень ютксо – эрицятнень марто обратной сюлмонь теемась, истя жо Мордовиянь районтнэс Правителсьвтань сленттнэнь ардтнемаст пингстэ.