Пурнавозетненень пшкадемстэ, Артём Здунов тешкстызе, од ломанень политикань ды эйкакштнень марто вейсэнь тевдеемань кевкстематне лисить васенце таркас весе уровнятнесэ.
«Покш мель течи явтано од ломантнень ютксо гражданской ероков ванновтонь кемекстамонь кевкстематненень. Мезе бу аволинек корта, ансяк мон кеместэ арсян – весемеде питней эсенек невтевксэсь: кода минь ветятано эсь прянть, мезе лангс явтано мель. Весень тень неить ды саить од ломантне. Те лувонтень минь кирдевтяно Мордовиясо эсь важодемасонть. Ней од ломанень политикась свалшкане ашти минек Президентэнь ды ПФО-со Россиянь Президентэнь полномочной представителень ванновт ало», – мерсь республикань руководителесь.
Мордовиянь Прявтось тешкстынзе прявт енкстнэнь, конатнень коряс ветяви важодема регионсонть. Тевс нолдазь рузонь православной церьковань, региононь Минобронь, Минкультонь ды Од ломантнень тевест коряс Госкомитетэнь ютксо вейсэнь тевдеемань коряс вейсладямось. Те енкссонть важодемась ветяви свалшкане. Республикась «Регион для молодых» проектэнь ероков участник, сонзэ яволявтызе масторонь лидерэсь.
Башка мель явови ероков од ломантнень редямонтень, лидерэнь пелькстамотнень ютавтомантень, кадрань политикань ладямонтень, федеральной проекттнэсэ региононь улемантень.
«Эряви кортамс седе, мезесь путы тешкс минек од ломантнень лангс: кие ловови од ломантнень туртов общественной мелень-арсемань лидерэкс, кодат тевть сынь путыть эсест икелев, мезентень явить мель ды кинь марто вастневить-кортыть, – тешкстызе региононь руководителесь. – Сюкпря тенк, Олег Александрович, те кевкстемантень мелень явоманть кисэ ды сень кисэ, што самай Мордовиясь кармась неть пшти кевкстематнень коряс округонь пелькстамонь ютавтомань таркакс».
ПФО-со Россиянь Президентэнь полномочной представителень полавтыцясь Олег Машковцев тешкстызе: «Течи минь пурнавинек неень шкань од ломанень государственной политикань стакачитнестэ вейкенть коряс кортамонть туртов, сон сюлмавозь од ломантнень радикализациянь а нолдамонь, од ломантнень ютксо экстремизмань ды терроризмань ламолгадомань печтямонь коряс тевтнень кемекстамонть марто. Неть тевтнень путы икеленек масторонь руководствась».
Промкссонть лувсо ваннозь од ломантнень ютксо гражданской ероков ванновтонь кемекстамонь, од ломантнень ютксо экстремизмань профилактикань, деструктивной идеологиянь а нолдамонь коряс компетенциятнень кемекстамонтень. Пурнавозетне истя жо евтнесть те енксонть коряс регионтнэнь сехте вадря практикатнеде.
Тешкстасынек, округонь мероприятиянь ютавтомань читнестэ республикасонть истя жо ветяви «IQ ПФО» студентэнь IX интеллектуальной олимпиадась.
Мордовия Республикань Прявтонь пресс-службась