Ломантненень бажи лездамс весе масторось. Эряза лезкс явить ПФО-нь регионтнэ. Ве енов эзь кадово Мордовияськак. Нурька шкас пурназель гуманитарной лезкс. Те куватьс ванстовиця ярсамопельть, симема ведь, хозяйствань коряс кедъенкст, шлямонь-нардамонь кедъенкст, алкст-прялкст ды истя седе тов. Гуманитарной лезксэнь пурнамонть коряс тевдееманть ветясь важодемань вейсэндявксось, конась теезь Мордовиянь Прявтонть кармавтоманзо коряс.
«Сюкпря весенень, кие лездась – предпринимательтненень, общественниктненень, волонтертнэнень, мелень явиця эрицятненень. Минь – вейке мастор, эсенексетнень а кадтано!» – мерсь Артём Здунов.
«Пертьпельксэнь зыянось свал варчи ломантнень виевчинть лангс, эрямонь стака шкастонть вейке вейкенень лездамонь маштомачинть лангс. Ды зярдо лиссь те зыянось, весе масторось, истя жо Мордовия Республикань эрицятне, вейсэндявсть, штобу лездамс вейке-вейкенень ды штобу ломантне маряволизь минек кирдеманть ды мелень явоманть», – тешкстызе «Российский фонд мира» Мордовия Республикань отделениянь правлениянь председателесь Ольга Филёткина.
Лездамс Оренбургонь эрицятненень, конат понгсть эрямонь стака шкас, мереви весенень, кинь ули мелест, Россиянь якстере крестонь паронь теемань счетонть вельде.
Лемезэ: Оренбургское областное отделение общероссийской общественной организации «Российский красный крест»
ИНН: 5610031626
Номер счета: 40703810029250000197
БИК: 042202824
Назначение платежа: Благотворительное пожертвование на помощь пострадавшим от паводков в Оренбургской области в 2024 г.