Медьковонь 16-це чистэ Мордовияв важодемань коряс сась РФ-нь Правительствань Председателень полавтыцясь Марат Хуснуллин. Вице-премьерэсь моли строямонь ды килангонь зярыя таркатнес, ютавты региононть социально-экономической виевгавтоманзо коряс промкс.
Республикань Кудосо ютась Марат Хуснуллинэнь ды Мордовиянь Прявтонь тевтнень топавтыцянть Артём Здуновонь важодемань коряс вастовома. Кортавсть «Жилье и городская среда» ды «Безопасные и качественные автомобильные дороги» регионсо национальной проекттнэнь топавтомаст коряс кевкстематне.
Мордовия Республикань Прявтонь Пресс-службась