Даволковонь 11-це чистэ Московсо Мордовиянь Правительствань Председателесь Владимир Сушков ютавтсь зярыя вастовомат, конат алтазельть минек региононь социально-экономической виевгавтомантень.
Федеральной казначействань руководителенть Роман Артюхин марто кортасть республикань Правительстванть Мордовиява Федеральной казначействань Управлениянть марто вейсэнь важодемадонть. Кортасть государственной ды муниципальной учреждениятненень централизованной лувсо бухгалтерэнь услугатнень явомань коряс «дорожной картанть» куроктсо топавтомадонзо, сонзэ тешкстызь Мордовиянь Прявтось Владимир Волков ды Роман Артюхин. Неть тевтнень топавтомаст вельде киртявить учетонь ветямонть лангс ютавкстнэ, бюджетэнь ярмактнень пачтямонь лувтне. Кортамось мольсь нацпроекттнэнь финансированиянь лезэвчинь кастоманть туртов административной, организационной ды юридической пирявкстнэнь каямодост.
Россиянь Федерациянь МЧС-нь министрань полавтыцянть Николай Гречушкин марто кортамось мольсь МР-ва МЧС-нь Прявт управлениянть материально-технической базанть топавтомадонзо. Тосо теезь ЦУКС, косо чинь-вень перть топавтовить тевть межведомственной координациянть, оперативной управлениянть ды экстренной реагированиянть, Мордовиясо апак учонь зыянов тевтнень а нолдамост ды куроксто витемаст коряс. ЦУКС-нть стявтомс федеральной бюджетстэ явозь 270 млн целковойть. Истя жо участниктне кортасть «Восточный» микрорайонсонть толонь мадстемань од депонть строямодо.
Теке жо чистэнть Владимир Сушков вастневсь Россиянь Финансонь министерствань социальной сферань ды наукань отраслятнесэ бюджетэнь политикань департаментэнь прявтонть Светлана Гашкина марто, кортавсть образованиянь, здравоохранениянь, культурань, физической культурань ды спортонь ёнкссо раськень проекттнэнь топавтомаст коряс. Ванновсь нацпроектнэнь топавтомс Мордовиянтень эштё ярмактнень явомадо кевкстемась.