Тешкстызе, регионсонть орманть коряс тевтне эзть полавтово, чинь-вень перть редявить малав 36 од сэредицят.
«А карматано манчеме – ковидэсь а поты. Икеле – Вейкине госэкзаментнэ ды эйкакштнень оймсемань шкась. Лоткавтовтозь зярыя ограничениятне, секскак ней эряви ютавтомс эрицятнень диспансеризациянть», – мерсь региононь руководителесь.
Мордовиянь Правительствань Председателень полавтыцясь Галина Лотванова тешкстызе, тевтне аштить свалшкань ванновт ало. Республикасонть стационартнэсэ лецяви 241 ломань, 20% ковидэнь таркатне – резервасот.
Сон истя жо тешкстызе, ютазь недлястонть вакцинациянь темпатне киртявсть Мордовиянь 19 енкстнэсэ, киртямонть эзизь нолда 4 енкстнэсэ. Регионсонть коллективной иммунитетэсь – малав 48%. Галина Лотванова мерсь республикань Минздравонтень ды муниципальной образованиятнень прявттнэнень: эряви седе домкасто важодемс эрицятнень ревакцинациянть коряс.
Эпидемиологиянь тевтне "нолдыть" покш мель явомс эрицятнень диспансеризациянтень. 4 ковтнень перть первичной медицинань звенань отделениятнесэ профосмотра ютасть 22% ломанть (аравтлувонть эйстэ). Диспансеризация эряви ютамс 209 тежат ломантненень. Эряви седе эрязасто ютавтомс сеттнень домка диспансеризациянть, кить сэредсть коронавирусонь инфекциясо.
Теде башка, кортамось мольсь республикань образовательной учреждениятнесэ тонавтомань процессэнть прядовомадонть. 9 класстнэсэ ушодовсть итогонь экзаментнэ, панжиковонь 21-це чистэнть баягинесь меельцеде карми гайгеме 11-це класстнэнь прядыцятнень туртов, сы недлястонть ушодовить ЕГЭ-тне. Республикань тонавтнемань учреждениятнес МР-нь прявт санитарной врачось пачтясь ЕГЭ-нь ютавтомань коряс вешемат. Сынь токшить экзаментнэнь ютавтомань таркатнес эйкакштнень пачтямонть, транспортонть ды помещениятнень дезобработканть.
Аштемковсто Мордовиясо кармить важодеме школань ды шумбрачинь витемань лагерьтне. Важодицятненень эряви ютамс ПЦР-тестирования, вакцинация эли ревакцинация.
Мордовия Республикань Прявтонь пресс-службась