Панжиковонь 9-це чистэ "Бессмертный полк" ютамось ветяви онлайн-форматсо

Панжиковонь 9-це чистэ "Бессмертный полк" ютамось ветяви онлайн-форматсо

2015 иестэнть саезь панжиковонь 9-це чинь Изнямонь чинь прявт мероприятиятнестэ вейкекс кармась «Бессмертный полк» Весероссиянь акциясь. Омбоце ие эпидемиологиянь стака тевтнень кувалма анокстави онлайн-ютамось.

Весе геройтне ютыть онлайн-молемасонть вейке чистэ - панжиковонь 9-це чистэ. Молемась ушодови весе регионтнэсэ 15 чассто местной шканть кувалма. Участниктнень регистрациясь моли чадыковонь 19-це чистэнть саезь панжиковонь 7-це чинть видьс 2021.polkrf.ru сайтсэнть, «Банк Памяти» (sber9may.ru) ресурссонть, истя жо Одноклассники (ok.ru/app/polk)  ды ВКонтакте (vk.com/polk_app) социальной сеттнень мини-приложениятнесэ.

Яволявтомань тешкстамонь коряс нурька инструкциясь:

  • Совадо 2021polkrf.ru сайтэнтень эли ссылканть коряс http://qrcoder.ru/code/?https%3A%2F%2F2021.polkrf.ru&10&0

  • Лепштинк «Принять участие» плаштянть.

  • Кочкинк региононть.

  • Проектэнтень регистрациянть мереви теемс e-mail эли телефононь номерэнть вельде - сы личной кабинетс совамонть туртов код.

  • Авторизациянть истя жо мереви теемс ВКонтакте, Фейсбук, Одноклассники социальной сеттнесэ аккаунтнэнь вельде.

Проектсэнть примамс участия истя жо мереви sber9may.ru ресурссонть «Банк Памяти» проектэнть ды Одноклассники ды ВКонтакте социальной сеттнесэ «Бессмертный полк» мини-приложениянть вельде.

Личной кабинетсэнть сермадынк тынк Героенть фамилиянзо, лемензэ, тетялемензэ, эрямонь иензэ, путынк сонзэ ды эсенк фотографиянк.

Явовтанок мель, фотографиясь улезэ 5 мегабайттэ аволь седе покш!

Личной кабинетсэнть мереви теемс фотонть редактирования. Лепштинк яволявтомань максомань плаштянть ды личной кабинетсэ ванодо сонзэ статусонть мельга.

Вейсэндяводо «Бессмертный полк-онлайн!» акциянтень! Вейсэ минь ванстасынек геройтнеде ледстнематнень!