«Петербургская политика» фондось ды «Минченко Консалтинг» Коммуникациянь холдингесь анокстасть Губернатортнэнь саезь должностнесэ улемань шкань кувалмонть коряс рейтингень 16-це нолдавкс, конасонть максозь питне кармить-арась аштеме саезь должностнесэ региононь неень шкань прявтнэ седе товгак 5-баллонь шкаланть коряс. Рейтингень невтевкстнэнь коряс, Мордовиянь Прявтонтень Владимир Волковнень таго максть 4 баллт.
МР-нь Прявтонть важодемасо виев ёнкссокс тешкстазь: «Республикасонть ванстови социально-политической стабильностесь. 2018 иень Мирэнь чемпионатонтень анокстамось саи васенце тарка инфраструктуранть виевгавтомасонть».