Правительствань промкссонть кортавсть Мордовиянь виевгавтомань кевкстематне

Правительствань промкссонть кортавсть Мордовиянь виевгавтомань кевкстематне

Сундерьковонть 23-це чистэ Мордовиянь Правительствань Председателесь Владимир Сушков ютавтсь промкс Правительствань члентнэнь марто, кортамось мольсь региононь социально-экономической виевгавтомань кевкстематнеде. Промксонтень пурнавозетне кортасть нацпроекттнэнь топавтомаст лувсо 2020 иестэ объекттнэнь строямост прядомадонть. Владимир Сушков тешкстызе, эряви ламолгавтомс строицятнень истят объекттнэсэ, кода Саранскойсэ Республикань эйкакшонь клинической больницянь хирургинь корпуссонть, Рузаевкасо А.В. Ухтомскоень лемсэ Культурань куншкакуросонть ды эйдень кужосонть. Промксонтень пурнавозетне кортасть санитарно-эпидемиологической тевтнень вадрялгавтомадост ды ограничениянь тевтнень топавтомаст ды лекарстватнень улемаст мельга ванномадонть. Мордовия Республикань Прявтонь тевтнень нурька шкас топавтыцянть Артем Здуновонь кармавтоманзо коряс кортамось мольсь регионсонть медицинань ламо функциянь куншкакуротнень стявтомадо кевкстемадонть.