Кортавсть республикань экономикань прявт отраслятнесэ зярыя енкстнэнь коряс региононть ды кредитэнь-финансонь организациянть вейсэнь важодемань кевкстематне.
«Сбербанконть марто Мордовиянть ладязь лезэнь кандыця вейсэнь важодема. Ней минь аштетяно сехте ероков пелькссэнть. Васняяк вейсэнь вийсэ лездатано бизнесэнтень, лезкс явови системань теиця предприятиятненень, эрязасто максовить кредитэнь каникулат. Весе те корты лезэв вейсэнь важодемадонть!» – тешкстызе Артём Здунов.
Ютазь иень невтевкстнэнь коряс регионсонть малав кавксть кассть Сберэнть пельде налогонь пачтямотне. Теезь од институтт, истя жо Контакт– центрась, косо ней важодить малав 100 ломанть, сы шкастонть кармить важодеме кавксть седе ламо сотрудникть. Важодеманть туртов прявт отраслятнестэ вейкесь – строямонь.
Сбербанконь Волго-Вятской банконь Вице-президентэсь – Председателесь Пётр Колтыпин кирдизе региононь Прявтонть, тешкстызе, строямонь секторонтень лезксэнь явомась ды сонзэ виевгавтомась молить аволь стяко – те экономикань виевгавтомань драйверэсь ды эрицятнень туртов рамавиця эрямо таркатнень улемась. Мордовиянь Прявтось кармавтсь аволь ансяк а емавтомс строямонь темпатнень, истя жо покшолгавтомс сынст. Ней регионсонть Сбербанконь финансированиянь системанть коряс строявить ламо квартирань 11 кудот.
«Сбербанконть ули мелезэ виевгавтомс региононь правительстванть марто вейсэнь важодеманть, конась аравтозь Мордовиянь социально-экономической виевгавтомантень. Башка ванновт ало – региононь строямонь отраслянтень лездамось. Уш ней чарькодеви, апак вано стака тевтнень лангс, васенце пель иень невтевкстнэнь коряс Мордовиясо саевить ютазь иень строямонь покшолматне. Течинь чине масторсонть аволь ламо субъектт, косо строямонь отраслянь темпатне молить свалшкань лувсо эли кастовить. Башка сюкпря региононь командантень те важодеманть кисэ», – тешкстызе Пётр Колтыпин.
Евтазель, ипотекань енкстнэ кармить седе тов виевгавтовомо, анокстазь госпрограмматнень коряс кредитованиянь башка условият эрицятнень эрьва кодат категориятнень туртов – ламо эйкакшонь кастыця семиятнень, IT-специалисттнэнь ды лиятнень.
Башка мель явови бизнес-вейсэндявксонь представительтненень.
Мордовия Республикань Прявтонь пресс-службась