Чадыковонь 7-це чистэ Республикань Кудосонть ютавтовсь МР-нь Прявтонть Артём Здуновонь ды «Росавтодор» китнень федеральной агентствань руководителенть Роман Новиковонь важодемань вастовомась. Кортамось мольсь республикань китнень одкстомтомадост - васняяк, те федеральной смустень китнень педе-пев витнемась. Теледенть мейле китнень ёжост кепедить аволь аламо кевкстемат региононь эрицятнень пельде. Таштазь кевкстематнень витемга ды китнень витнемга, кармить явовомо башка ярмакт.
Икелев редявикс эскелькс уш теезь тедеде: республикасонть китнень лангс явозь 8 млрд ламо целковойть. Ярмактнень пельксэсь максозь государственной покш ушодкстнэсэ улеманть вельде, истят, кода «Инфраструктура для жизни» национальной проектэсь, КРСТ-нь государственной программась. Неть ресурстнэ лездыть топавтомс китнень инфраструктурань витнемань ды одкстомтомань коряс тевтнень, те лезды кастомс ардомань сэтьмечинть ды автомобилисттнэнь вадрячист.
МР-нь Прявтонть Артём Здуновонь ды Росавтодоронь руководителенть Роман Новиковонь вастовомась кармась региононть федеральной ведомстванть марто вейсэнь тевдеемань виевгавтомань прявт пельксэкс. Вейсэнь важодемась лезды аволь ансяк куроксто витемс китнень вельтявксонь витнемань коряс тевтнень, истя жо виевгавтомс китнень-транспортонь инфраструктурань кирдемань кувака шкань стратегиянть.
Мордовия Республикань Прявтонь Пресс-службась