Республикань Кудосонть кортасть «Газпромбанк» АО-нть марто вейсэнь важодемань кевкстематнеде

Республикань Кудосонть кортасть «Газпромбанк» АО-нть марто вейсэнь важодемань кевкстематнеде

Мордовиянь Прявтось Артём Здунов панжиковонь 17-це чистэ ютавтсь важодемань вастовома «Газпромбанк» АО-нь вице-президентэнть Алексей Вольнов марто, кортасть вейсэнь важодеманть виевгавтомадонзо. Промкссонть ульнесть Мордовия Республикань Правительствань представительтне.

Невтезельть банконь продукттнэ, конат улить лезэвть региононтень строительствасо, промышленностесэ ды лия енкстнэсэ программатнень топавтомасо, истя жо кортамось мольсь банконь сопровождениянть тевс нолдамодо. Кредитэнь-финансонь организациянь руководителесь евтась анокчи явомс лезкс республикань инфраструктурань проекттнэнь топавтомасо ды улемс эйсэст инвесторокс.

Банконь тевдеемань башка площадкась токши промышленностесэ импортонь полавтоманть. Тень кувалма Мордовиянь Прявтось явсь мель оптоволоконной производстванть лангс.

Мордовия Республикань Прявтонь пресс-службась