Ней Мордовиясо шукштнэ усковить вейксэ полигонтнэс.
МР-нь Энергетикань ды жилищно-коммунальной хозяйствань министрань васенце полавтыцясь Елена Цыцарева евтнесь республикасонть шукшонь кирдемань-улемань объекттнэнь кельгстямонь кадовозь вийтнеде ды од таркатнень теемань коряс кемекставиця тевтнеде. «Неень шкантень концессионной вейсладямотнень лувсо анокстазь проектэнь-сметань документация «Межмуниципальный полигон №1 с линией компостирования органической фракции ТКО» объектэнть коряс экологиянь экспертизань ютамонть туртов. Полигононть виензэ – 120 тежат тоннат иезэнзэ, компостированиянь линиянть виензэ – 63 тежат тоннат иезэнзэ», – тешкстызе сон. Проектэнь вейсэнь питнесь - 1 млрд 450 млн целковойть.
Те объектэнь строямось лезды киртямс ТКО-нь покшолматнень, конат молить полигонтнэс.
Росприроднадзоронь Регионъютконь управлениянь руководителесь Марк Чиненков тешкстызе пертьпельксэнь ванстомань вешематнень пштистэ топавтоманть, кода проектированиянь шкасто, истя жо седе тов объектэнь строямонь шкасто. Башка мель улезэ явозь сеть шукштнэнь пельксэнть киртямонтень, конат усковить полигонтнэс, сынст омбоньгирдань переработканть вельде.
Мордовия Республикань Прявтонь пресс-службась