«Течинь чинтень ведесь совась 11 кудотнес ды 494 сад-пиретнес. Чинть-венть перть ведесь тусь 40 седе ламо кудотнестэ. Покш анокчинь лувонть эри ванстомс», – тешкстызе Андрей Наумов.
Теде башка, республикань зярыя енкстнэсэ покш китнень эйстэ сезевезь кадовить эрямонь пункттнэ. Муниципальной образованиятнень прявттнэнень ды МР-нь Минсельхозонтень максозь кармавтома, конась токши противопожарной сэтьмечинь топавтоманть ды велень хозяйствань стака техникань мобилизациянть, гидротехнической сооружениятнень ванноманть.
Артём Здунов тешкстызе: «Мелень явоманть а киртямс, ванномась ютавтовозо свалшкане».
Региононь Прявтось истя жо явовтынзе ответственной лицятнень ванновтост республикань зярыя районтнэсэ нурька шкань улемань пункттнэнь анокчинть, тосо эрявикс весе таштавкстнэнь тееманть лангс.
Мордовия Республикань Прявтонь Пресс-службась