Мордовиянь Прявтось Артём Здунов аштемковонь 10-це чистэ ютавтсь регионсонть промышленной продукциянь аволь закононь коряс оборотонть а нолдамонь коряс комиссиянь промкс. Тосо ульнесть министратнень кабинетэнь, властень федеральной органтнэнь территориальной органтнэнь, виень структуратнень представительтне.
Промкссонть кортасть зярыя кевкстематнеде, истя жо кортамось мольсь алкоголень ды спиртэнь кирдиця продукциянь аволь легальной оборотонть а нолдамодонзо, контрольно-надзорной ды профилактической мероприятиятнень ютавтомадост. МР-ва МВД-нть пачтямонзо коряс, важодемась ветяви республикань Экономикань, микшнемань ды предпринимательствань министерстванть, контролирующей органтнэнь представительтнень, таможнянь службанть марто вейсэ.
Те иень эйзюрковсто Лямбирень енкссо редязь этиловой спиртэнь, алкоголень ды спиртэнь кирдиця продукциянь аволь закононь коряс оборотонь фактось, нельгезь 550 литрадо ламо контрафакт, маласо шкастонть арсеви панжомс уголовной тев башка предпринимателенть коряс. Истя жо иенть ушодовомсто редязь административной зярыя правань коламот, конатнень коряс сёрмадозь 22 административной протоколт, сынст ютксо 15 – конат сюлмавозь иредстиця симемапелень миемань правилатнень коламонть марто.
Криминогенной обстановкань анализэсь, конась моли потребительской рынканть коряс, корты республикасонть организованной ды свалшкане важодиця преступной элементтнэнь аразьчидест, конат нолдыть контрафактной алкоголень ды спиртэнь кирдиця продукция. Республикань микшнемань организациятнесэ седе тов миеманть туртов контрафактонь прявт покшолмась пачтяви маласо регионтнэстэ - Пензань ды Рязанень областтнестэ.
Неень шкане МР-ва МВД-нь экономической безопасностень ды коррупциянь а нолдамонь подразделениянь сотрудниктне ютавтыть зярыя мероприятият контрафактонь продукциянь пачтямонь каналтнэнь пекстамонть коряс. Теде башка, омбоце пель иестэнть «Алкоголь» федеральной комплексной оперативно-профилактической операциянть лувсо арсеви ютавтомс ванномань покш мероприятият те ёнкссонть.
Промкссонть истя жо кортасть агропромышленной комплексэнь предприятиятнесэ нолдавиця ярсамопелень продукциянь производствань ды вадрячинь мониторингень невтевкстнэде, пестицидтнэнь ды агрохимикаттнэнь марто сэтьместэ тевс нолдамонь ды республикасонть ведень биоресурстнэнь аволь закононь коряс кундамонь ды микшнемань кевкстематнеде.
Мордовия Республикань Прявтонь Пресс-службась