Мордовиянь Прявтось тешкстызе, оперативной штабонь решениятне кемекставить од тандавкстнэнь мельсэ кирдезь. «Меельце шкастонть лиссть тевть, конат ульнесть пек апак учо – кортамось моли Татарстанонть лангс беспилотниктнень каявомадост, сон ашти седе чилисема ено Мордовиянть коряс, бути ваномс чивалгома енксонть границятнень лангс», – мерсь республикань руководителесь.
Тень кувалма оперативной штабонть икеле ашти тев куроксто анокстамс вейсэнь тевдеемань лув истят тандавкстнэнь лисеманть пингстэ. «Минь арсетяно теемс МР-ва БПЛА-нь ливтнематнень ванноманть мельга куншкакуро. Карматано ютавтомо эвакуациянь коряс тренировкат, эрьвась чарькодезэ мезе эряви теемс», – тешкстызе Артём Здунов.
Промышленной, уштомань-энергетической объекттнэнь ды транспортонь инфраструктурань объекттнэнь антитеррористической ванстомань виевгавтомань коряс кемекставиця тевтнеде пачтясть вице-премьерэсь Батыр Эмеев, МР-нь Транспортонь ды китнень хозяйствань коряс Госкомитетэнь председателесь Валерий Кандрин, «Международный аэропорт Саранск» АО-нь генеральной прявтось Александр Кистайкин, «РЖД» ОАО-нь филиалонь – чугункань кинь вокзалтнэнь Куйбышевень региононь дирекциянь Рузаевка чугункань кинь вокзалонь прявтось Сергей Аношкин.
Промксонть прядовомга республикань Прявтось макссь кармавтомат башка тевтнень кемекстамонть коряс, конат аравтозь эрицятнень ванстомантень ды критической инфраструктурань объекттнэсэ сэтьмечинь топавтомантень.
Мордовия Республикань Прявтонь Пресс-службась