Топавтозь историянь невтевкс: кочкамонь участкатнес эрицятнень самось кармась 77%, вайгелест максызь 76 миллионт 280 тежат ломанть. «Те корты Владимир Путиннэнь минек эрицятнень покш кемемадост. Те топавтозь лепштямотнень, эрицятнень тандавтомань бажамотнень лувсо. Курской, Белгородской областтнесэ вайгелень максомась мольсь леднематнень ало. Весе неть регионтнэсэ кочкамонь участкатнес самось ды минек лидерэнь результатось – седе покш среднероссийскоень коряс», – тешкстызе Андрей Турчак.
«Единой Россиянь» Генсоветэнь Секретаресь тешкстызе, Президентэнь кочкамотнесэ партиянь ено аштицятнень явкась кармась 31,2 миллионт ломанть – Владимир Путинэнь изнямонтень «Единой Россиянь» путовксось – 41%. Партиясь истя жо сайсь покш талика кандидатонь ливтемс кедьчелькстнэнь пурнамосонть.
Ледстясынек, Мррдовиясо кочкамонь кампаниясь ютась вадрясто ды сэтьме лувсо. Региононь эрицятне невтсть покш эрязачи. Республикась кармась васенцекс Равчирень федеральной округонь регионтнэнь ютксо кочкамонь участкатнес эрицятнень самост коряс – малав 85%. Владимир Путинэнь кисэ вайгелест максызь республикань 89,5% седе ламо эрицятне.
Промксонть лувсо истя жо тешкстазель, те иень таштамковсто Вайгелень максомань вейкине чинть лувсо 40 регионтнэсэ ютавтовить 67 кочкамонь кампаният. Андрей Турчак тешкстызе, СВО-нь участниктнень ютксто кандидаттнэнень явови покш лезкс процедурантень анокстамонть пингстэ ды мейле кочкамонь кампаниянть шкасто. «Единой Россиянь» икелепелень вайгелень максомань эрьва кандидатонтень максовить 25% пурназь вайгельтненень.
«Кучомасонть Президентэсь видестэ мерсь СВО-нь участниктнеде, кода од элитадонть. Ломантнеде, конатненень эряви саемс прявт таркат властесэ, бизнессэ, госкомпаниятнесэ. «Единой Россиясь» эште мелят эрязасто кармась совавтомо сынст политикантень. Сеттнень ютксто ламотне, кить велявтсть фронтсто, мелят вайгелень максомань вейкине чинь итогтнень коряс кармасть эрьва кодамо уровнянь депутатокс», – ледстизе Андрей Турчак.
Промксонть лувсо кунсолозь масторонь зярыя субъекттнэсэ кочкамонь итогтнень коряс пачтямотне, истя жо Белгородской областесэ ды Донецкой Народной Республикасо.
Мордовия Республикань Прявтонь пресс-службась