Даволковонь 7-це чистэ Республикань Кудосо ютавтовсь кенярксчинь промкс, конась алтазель Россиянь наукань чинтень. Тов тердезельть ученойть ды инженерт, научно-исследовательской куншкакуротнень ды инновациянь предприятиятнень важодицятне.
Ученойтненень поздоровт ёвтась Мордовиянь Прявтось Владимир Волков. Сон тешкстызе, меельце иетнестэ удалась кемекстамс науканть ды экономикань алкуксонь секторонь сюлмонть.
– Минек ученойтнень ламот проектне топавтовить Мордовиянь Технопарксонть, волоконной оптикань инжинирингень куншкакуросонть, инновациятнень проектированиянь куншкакуросонть, – мерсь Владимир Волков. – Эрязасто виевгавтовить научно-производственной кластертнэ. Тесэ минь нейтянок минек ученойтнень бизнесэнть ды предприятиятнень мрато вейсэнь важодеманть. Те, васняяк, токши оптической волокнань, кабелень ды фармацевтикнаь продукциянь, светотехникнаь, приборостроениянь производстванть».
Уш вете иеде ламо республикась касты экспортонь покшолматнень. Колмо иетнень перть омбо масторов пачтямотне кассть колмоксть. Мордовиянь Прявтось тешкстызе: регионсонть нолдавиця промышленной продукциянь колмоце пельксэсь – инновацияонной. Те невтевксэнть коряс Мордовиясь Россиясо васенце.
Владимир Волков тешкстызе, республиканть туртов прявтокс ашти Саранскойсэ теемс «Фотоника и промышленная электроника» ёнксонтьк оряс регионъютконь научно-образовательной куншкакуро, нолдамс од антибиотикть.
Инновациятнень виевгавтомаст туртов од возможность панжи «Наука» раськень проектэсь, конась топавтови Россиянь Президентэнть Владимир Путинэнь кармавтоманзо коряс.
– Ёрок эйкакштне ушодост наукантень кинть уш школасто саезь. Самай тень туртов минь лездатанок превей эйкакштненень, ютавтовить олимпиадат, пелькстамот, панжтанок эйкакшонь технопаркт, – мерсь Мордовиянь Прявтось. – Пек паро, эйкакштнень тонавтомнатень вейсэндявсть вузтнэ. Мелят Мордовиянь университетсэнть кармась важодеме Е.М.Дианов академикенть лемсэ Научной коллаборациянь кудось, косо 400 эйкакштне уш важодить проекттнэнь лангсо. 2022 иестэ Эйкакшонь наукань кудо панжови пединститусо. Минь седе товгак карматанок тееме весементь ёроков эйкакштненень лездамга».
Наукасо важодицятненень поздоровт истя жо ёвтасть МР-нь Госсобраниянь Председателесь Владимир Чибиркин ды МР-нь Правительствнаь Председателень полавтыцясь – промышленностень, наукань ды од технологиятнень министарсь Александр Седов.
Кенярксчинь промкссонть максовсть государственной покш казнеть.
Мордовия Республикань Прявтонть пресс-службась