Недлячистэ, сундерьковонь 22-це чистэ, Мордовиянь Правительствань Председателесь Владимир Сушков Рузаевкасо ды Саранскойсэ ваннынзе нацпроекттнэнь топавтоманть.
Рузаевкасо региононь Правительствань Председателесь ваннызе 108 таркас эйдень кужонь строямонть. Тосо вельтяви латось, ветявить инженерэнь сетть, вадрялгавтови эйдень кужонть перька таркась.
А.В. Ухтомскоень лемсэ культурань куншкакуросонть важодить 32 ломанть. «Культура» нацпроектэнть лувсо те объектэнть коряс весе тевтне прядовить 2021 иестэ.
Саранскойсэ Владимир Сушков якась М.Е. Евсевьевень лемсэ МГПУ-нь бассейнань строямонь таркантень. Республикань Правительствань Председателесь кармавтсь пштистэ ваномс топавтозь тевтнень вадрячист мельга.
Владимир Сушков истя жо ульнесь Республикань эйкакшонь больницянь хирургиянь корпусонь строямонь тарккасонть. Строицятне прядыть кирпецень вачкамонть ды монолитэнь тевтнень, путовить вальматне, анок уштомапелень системась. Владимир Сушков кармавтсь ацамковонь ушодовомсто кундамс латонь вельтямонтень.
Правительствань Председателесь тешкстызе, строямонь площадкатнесэ эряви пштистэ топавтомс санитарной весе вешематнень.