Федерациянь Советэнь Наукань, тонавтомань ды культурань коряс комитетэнь председателесь Лилия Гумерова важодемань промксонь итогтнеде кортамсто тешкстызе, интеллектуальной ули-паронь виевгавтомань кевкстематне ды Советэнь важодемась - регионтнэнь палатанть туртов прявт енкстнэстэ вейкесь.
"Течи теезь нормативной юр, конась лади неень шкань вешематненень. Чадыковонь 8-це чистэ тешкстазь РФ-нь Правительствань распоряжениясь, конасонть тешкстазь минек масторонь интеллектуальной ули-паронь енкссонть прявт тевтне ды невтевкстнэ. Сонзэ коряс интеллектуальной ули-паронь коряс государственной политикань тевекс аштить Россиянь Федерациянь экономикань конкурентоспособностень покшолгавтомась ды валовой внутренней продуктонь касомань, национальной безопасностень, технологической олячинь топавтомась. Ней, санкциятнень лувсо, эряви кемекстамс управлениянь тевть таркатнесэ. РФ-нь Экономической виевгавтомань министерстванть марто вейсэ анокстазь субъекттнэнь туртов те институтонь виевгавтоманть коряс руководствась, ансяк аволь весе регионтнэсэ ули чарькодема. Мордовиянь Прявтось васенцетнестэ вейкесь, кие вейсэндявсь минек Советсэ важодемантень. Течи Технопарксонть минь неинек зярыя мельстуиця, инновациянь производстват, ды чарькодьтяно, сыненст пек эряви: продукциясь седе курок совавтоволь эрямос, саевлинзе промышленной покшолматнень. Минек советэнь решениятне лездыть тенень», - мерсь сон.
Лилия Гумерова башка мель явсь импортонь полавтомантень бизнесэнть куроксто ютамонть лангс: "Мордовиянть ули вадря опытэзэ, зярдо ютавтозель весе предприятиятнень коряс ванномась. Теезь компоненттнэнь ды детальтнень анализэсь, конатнень коряс, паряк, лисить стакачить, ладязь сюлмот субъекттнэнь марто. Монь ванновтон коряс, истямо ванномась ули лезэв целанек масторонть келес. Наукась, бизнесэсь, регионтнэ маряст вейкест-вейкест".
Истя жо тешкстазель, производствань виевгавтомань кевкстематнень коряс важодемась сюлмавозь кадратнень анокстамонть марто, конат эрявить масторонь экономикантень. РФ-нь Федерациянь Советэнь Наукань, тонавтомань ды культурань коряс комитетэсь кепедекшнызе инженерэнь специальностенть туртов тонавтомань истямо чалгамонть, кода специалитетэнть, теемань эрявиксчиде кевкстеманть. Бизнес-вейсэндявксось пек энялды тень коряс. Ней ветявить кортамот, ванновить законодательной уровнясо те тевенть кемекстамонь возможностне.
Мордовия Республикань Прявтонь пресс-службась