РФ-нь Президентэнть пингстэ раськеютконь отношениятнень коряс Советэнь членэсь Маргарита Лянге ёвтась поздоровт Артём Здуновнень «СМИротворец» пелькстамосонть «Известия Мордовии» газетань журналистэнть изнямонзо кувалма

РФ-нь Президентэнть пингстэ раськеютконь отношениятнень коряс Советэнь членэсь Маргарита Лянге ёвтась поздоровт Артём Здуновнень «СМИротворец» пелькстамосонть «Известия Мордовии» газетань журналистэнть изнямонзо кувалма

РФ-нь Президентэнть пингстэ раськеютконь отношениятнень коряс Советэнь членэсь Маргарита Лянге пачтясь сёрма Артём Здуновнень. Эйсэнзэ сон ёвтась поздоровт республикань Прявтонь тевтнень топавтыцянтень «СМИротворец» Весероссиянь пелькстамосонть Мордовиянь журналистэнть изнямонзо кувалма. Сёрмасонть кортави:

«Известия Мордовии» газетань журналистэсь Андрей Елистратов совась «СМИротворец» Весероссиянь XVII пелькстамосонть изницятнень юткс «Нация Победителей» номинациясонть. Жюрись, ков совасть политикть, ученойть, НКО-нь лидерт ды содавикс журналистт-практикть, макссть покш питне «Шли солдаты» проектэнтень, конась алтазь Ине Изнямонь 75 иетненень, ды «Немцы голые бежали по улицам!», «Здесь было страшнее, чем под Курском» Андрей Елистратовонь публикациятненень.

«СМИротворецэнь» лемесь журналистэнь ютксо пек почетной. Те невти СМИ-нь редакциянь ды башка авторонь важодемань покш качестванть. Ве ёндо важодемась эзь меша алкуксонь профессионатнэнень лезэвстэ важодемс ды кепедемс раськеютконь ды этноконфессиональной аволь шожда теманть. Тень вельде топавтови государственной раськень политикань стратегиясь».

Тешкстасынек, пелькстамонть ютавтыцятне – Раськетнень тевест коряс федеральной агентствась ды Межэтнической журналистикань гильдиясь РФ-нь Президентэнть пингстэ раськетнень ютксо отношениянтнень коряс Советэнть ды РФ-нь Общественной палатанть лезксэст вельде.