Тешкстазель, республикасонть башка мель явови инженерэнь инфраструктурань виевгавтомантень – те прявт ёнкс ломантнень эрямост вадрялгавтоманть туртов. Повесткань прявт кевкстематнестэ вейкесь - Саранскоень ванськавтомань сооружениятнень педе-пев витнемась.
Маласо шкантень прявт тевесь – уштомань шканть авариявтомо ютамонть топавтомась. Регионсонть топавтозь покш важодема: анокстазь 5,3 тёжат ламо квартирань кудот, 531 социальной объект, 164 котельнойть ды 1,6 тёжадо седе ламо коммунальной сетть. Топавтозь вейсэнь важодема эрямонь-аштемань весе систематнень свалшкань тевдеемаст топавтоманть туртов - инженерэнь сеттнень эйстэ саезь транспортонь ды социальной инфраструктуранть видьс.
Мордовиясо «Инфраструктура для жизни» нацпроектэнь топавтоманть лувсо поладови важодемась ломантнень эрямонь условияст вадрялгавтоманть коряс. Росстатонть пачтямонзо коряс, 2025 иенть ушодовомсто регионсонть максозь эрямонь таркатнень 174,8 тёжат кавонзазь метрат. 2019 иестэнть саезь вете тёжадо седе ламо ломанть ютавтозь каладозь кудотнень 87,67 тёжат кавонзазь метратнестэ.
Тедеде ошонь вадря средань теемань коряс федеральной проектэнть лувсо республикасонть вадрялгавтозь-мазылгавтозь общественной 31 тарка. Теде башка, Мордовиянть пельде ошонь вадря средань теемань сехте вадря проекттнэнь Весероссиянь Х пелькстамосонть вадрялгавтоманть-мазылгавтоманть туртов кочказь колмо проектт -Темниковасо Мокша леенть чиресь, Инсарсо изнямотнень скверэсь, Зубова Полянасо прявт площадесь ды ялго якамонь таркась. Весе сынь топавтовить сы иестэ – федеральной субсидиясь карми 240 млн целковойтнеде седе ламо.
Мордовия Республикань Прявтонь Пресс-службась