Больницятнень ванномадост мейле Оксана Драпкина ютавтсь ПФО-нь терапиянь, общеврачебной практикань ды медицинань профилактикань коряс профильной комиссиянь промкс. ВКС-нть лувсо вейсэндявсть федеральной округонь аволь штатной прявт терапевттнэ. Промкссонть ульнесть Мордовиянь Правительствань Председателень полавтыцясь Галина Лотванова ды республикань шумбрачинь ванстомань министрась Олег Маркин.
Оксана Драпкинань валонзо коряс, меельце кавто иетнестэ Россиянь врачтнэ тонадсть колмо од тевтнес: COVID-19 марто пациенттнэнь амбулаторной ветямонтень, коронавирусонь каршо вакцинациянтень, домка диспансеризациянтень. Истя, невтемакс, вакцинациясь – Оксана Драпкинань валонзо коряс – ней «важоди теке част».
Сон тешкстызе, Россиянь диспансеризациясь – лиятнень енов а молиця. Истямо программа – питневтеме ды ков тердевить ламо ломанть – арась вейкеяк лия масторсо! Те ломантнень шумбрачист ванстомань прявт инструмент.
«Мордовиясо весень вейсэндинзе малавгадомань ежось, – истя жо тешкстызе Оксана Драпкина. – Тынк медицинань организациятнесэ важодить мелень явиця ломанть. Шумбрачинь ванстомантень покш лезкс яви республикань руководствась; ладязь вейсэнь важодемань сюлмот врачтнень ды медицинань институтонть ютксо. Тенесэ – изнявкстнэнь юрось».
СМИ-нь представительтнень кевкстемаст лангс каршо валонь максомсто, Оксана Драпкина тешкстызе: Мордовиясь – регион, косо ламо теезь первичной звенанть - шумбрачинь ванстомань юронть – виевгавтоманзо туртов.
«Покш мель тенень яви республикань руководствась, – мерсь Оксана Михайловна. – Орматнень профилактикань коряс важодемасонть Мордовиясь вадря ендо явови Россиянь ламот лия регионтнэнь эйстэ. Республиканть туртов покш смусть канды диспансеризациянь одкстомтомась. Региононь эрицятненень эряви чарькодемс: сынст шумбрачист ды эрямонь кувалмост – эсест кедьсэ. Инескеть, садо диспансеризацияс!»
Седе тов ютавтовсь республикань Прявтонть Артём Здуновонь ды Россиянь Минздравонь внештатной прявт терапевтэнть Оксана Драпкинань важодемань вастовомась.
«Регионсонть Росздравнадзорось макссь питне шумбрачинь ванстомань системантень. Васенце таркас лиссть диспансеризациянь, первичной звенань важодемань кевкстематне. Минек ули тевдеемань аравтлув, ультяно федеральной проекттнэсэ. Ней лезды покш уровнянь специалистэнть пельде куш-кодамо превспутомась. Седе пек те шкастонть, зярдо пандемиясь макссь лекстямс. Лия орматне ковгак эзть туе», – мерсь Мордовиянь Прявтось.
Оксана Драпкина тешкстызе, регионсонть ялгаксчисэ важодиця медицинань команда, те пек питней вейсэнь тевдееманть туртов, васенце таркас ней лисить диспансеризациясь ды эрицятнень диспансерной ванномась.
«Регионсонть куломатнень киртямосонть прявт тевекс лован диспансеризациянь ютавтомань одкстомтоманть ды диспансерной ванномань ветямосонть полавтоматнень. Эряви явомс покш зыянонь кандыця диагнозтнэнь марто ломантнень, истят пациенттнэде аволь ламо, ды саемс сынст башка ванновт алов. Истя жо явомс сеттнень, кить понгить рискень группантень. Куломатнень киртямось – аволь покш технологиятнесэ, а профилактикасонть ды вадря диспансеризациясонть», – мерсь Оксана Драпкина.
Сон истя жо евтась мель велявтомс важодемань таркатнес врачтнень-профилактологтнень, кинь важодемаст сюлмавозь эрицятнень диспансерной ванномань ютавтоманть марто, пандемиянть шкасто сынь важодсть лия енкстнэсэ, истя жо одкстомтомс специализированной кабинеттнэнь важодемаст.
Оксана Драпкина тешкстызе, региононь медицинань васенце лезксэнь явомань системасонть ламо од специалистт, конат вадрясто чарькодить эсест тевенть ды бажить поладомс важодемаст регионсонть.
«Мордовиясь – первичной звенасонть сатышка специалисттнэнь улемаст коряс сехте вадря регионтнэстэ вейкесь. Тенесэ лезды вузонть улемась ды прявт врачтнень ды тонавтнемань специализированной учреждениянть ютксо вейсэнь тевдеемась», – мерсь масторонь Минздравонь терапиянь коряс внештатной прявт специалистэсь.
Артём Здунов ды Оксана Драпкина истя жо кортасть лия кевкстематнеде.
Мордовия Республикань Прявтонь пресс-службась