Мордовиянь массовой информациянь средстватнень мельвановикс важодицят! Евтан тенк поздоровт профессиональной кенярксчинть - Россиянь Печатень чинть кувалма!
Тынк вельде - журналистт, полиграфистт, общественностенть марто сюлмонь кирдиця специалистт, Мордовиянь эрицятненень шкастонзо максовить виде кулятне республикасонть молиця тевтнеде.
Тынь тейдядо Мордовиянь эрямонь кулянь картинанть, панжтадо сонзэ историянь сехте редявикс, истя жо а содавикс лопатнень, лездатадо кемекстамс минек региононь вадря имидженть.
Тынь - обществанть ды властенть ютксо сюлмице рисьме, явтадо мель пшти кевкстематнень лангс, те веши аволь ансяк профессиональной покш анокстамо, истя жо авторонть эсензэ ванновтонзо молиця тевтнень коряс.
Сюкпрянь башка валт печатень ветерантнэнь. Профессионализмань, мелень явомань, перань кирдемань койтне, конатнень тынь путынк, нейгак кадовить отраслясо важодемань юрокс.
Арсян массовой информациянь средстватнень весе важодицятненень шкинемасо од муевкст, мельстуиця ды редявикс материалт, кемевикс ловныцят. Шумбрачи, часия, паро эрямо тыненк ды малавиксэнк туртов!
Мордовия Республикань Прявтось А.А.Здунов