Таштамковонь 15-це чистэ Мордовия Республикань Прявтонь тевтнень топавтыцясь Артём Здунов ульнесь Рузаевкасо конструкционной композиттнэнь производствань коряс заводонь васенце очередэнть технической нолдамосо.
Од предприятиясь арси кармамс масторонь келес васенцекс композиттнэнь нолдамонть коряс. Заводсонть карми инжинирингень центра, производствань площадка, специалисттнэнь анокстамонь куншкакуро.
Проектэнть топавтомань лувсо арсеви нолдамс композитэнь теевкст. Производствань весе вийтнесэ - 4 590 тоннат иезэнзэ. Продукциянть арсеви пачтямс Россиянь Федерациянь субъекттнэс ды СНГ-нь мастортнэс.
Сундерьковсто заводсонть арсеви нолдамс производствань эште 4 линият, теевить важодемань 150 таркат.
Региононь руководителентень невтизь анок продукциянть. Сонзэ мереви нолдамс тевс эрьва кодат енкстнэсэ, истя жо ошонь вадрялгавтомасо-мазылгавтомасо, строительствасо. Заводось ушодсь важодеме А.Н. Лодыгинэнь лемсэ НИИИС-ть марто. Артём Здунов евтынзе важодемань енкстнэнь пек эрявиксэкс ды арсесь предприятиянтень изнявкст.
Мордовия Республикань Прявтонь пресс-службась