«Город этнокультурного туризма» номинациясонть васенце тарканть максызь Мордовиянь прявтошонтень. Саранскоесь невтизе этнокультурной туризманть «Зов торамы» раськень туристэнь маршрутонть вельде. Маршрутонь прявт пельксэсь карми молеме самай Саранскоенть трокс. Региононь инжетне содавтовить эрзянь-мокшонь этнической культуранть марто музейтнесэ экскурсиятнень, Раськень драмань театрасо интерактивной программанть, раськень ярсамопельтнень варчамост вельде.
Эряви тешкстамс, мелят маршрутось одкстомтовсь, тов совасть «Гостиный ряд» туристэнь таркась, «Иненармунь» этнотеррасась, фудтрактнень сетесь, конат теезь «Туризм и индустрия гостеприимства» национальной проектэнть коряс, истя жо «Легенда мореного дуба» музеесь.
«Туристические города» Всероссиянь премиясь – те казне, конась максови Россиянь муниципальной образованиятненень эли эрямонь башка пункттнэнень ютазь иень невтевкстнэнь коряс. Премиясь – #ПораПутешествоватьПоРоссии премиянь пелькс, конась вейсэнди федеральной туристической зярыя премият, тонавтомань проектт ды туристической отраслянь профессионалтнэнь вейсэндявксонть.