«Те программанть коряс ошонь Юго-Западонь пелькссэнть витневить канализациянь коллекторонь колмо пелькстнэ Республиканской ды Серовонь куротнева, вейсэнь кувалмсо 3,5 вайгельбеть. Тень вельде коммунальной инфраструктурась вадрялгавтови 115 тежат эрицятнень туртов. Течинь чинтень уш прядовсть пелькстамонь тевтне, моли контрактонь тешкстамось», – мерсь «Фонд развития территорий» ППК-нь генеральной прявтось Ильшат Шагиахметов.
Весе важодематнень арсеви прядомс тедеде. Трубатнень арсеви путомс панжадо лувсо, мейле территориянть вадрялгавтсызь-мазылгавтсызь.
Мордовия Республикань Энергетикань ды ЖКХ-нь министерстванть пачтямонзо коряс, одкстомтомась эряви ошонь ведень отведениянь сеттнень пек таштомгадомаст кувалма. Авариятнень шкасто редязь Саранка леентень канализациянь понгомась, те кандсь зыян пертьпельксэнтень.
Программань финансированиянь вейсэнь покшолмась – 1,1 млрд целковойть, сынст ютксто 756,8 млн целковойтне – Фондонь ярмактне.
Коммунальной инфраструктурань одкстомтомань программань операторось - «Фонд развития территорий» ППК-сь.