Тедеде Саранскоесь таго совась Московонь Инечинь фестивалень маршрутонтень, конань лувсо содавикс коллективесь макссы концертт масторонть келес. Фестивалесь ушодовсь чадыковонь 18-це чистэ ды прядови панжиковонь 9-це чистэ, те шканть перть оркестрань музыканттнэ ардыть 20 тежадо ламо вайгельбеть ды молить 25 аволь седе аламо оштнес. Те иень гастролень турось алтазь Ине Изнямонь 77 иетненень.
Паронь теемань концертэнтень якась Мордовиянь Прявтось Артём Здунов. Региононь руководителесь евтась сюкпря Валерий Гергиевнень ды Симфонической оркестрань коллективентень музыкань алкуксонь кенярксчинть кисэ, конась казезь республикань эрицятненень.
«Сюкпря, Инечинь фестивалесь таго Мордовиясо, – мерсь Артём Здунов. – Арсян, те коенть минь карматано поладомо. Тынк графикенк пешксе, тынь свал ардтнетядо тов, косо тынк учить. Минь тынк вечктядызь ды явтано тенк покш мель патриотизманть кисэ».
Валерий Гергиев евтась сюкпря Саранскоень ваныцятненень лембе вастоманть кисэ ды алтась аволь ансяк самс Мордовиянь прявтошонтень эште весть, истя жо келейгавтомс театратнень ютксо вейсэнь тевдееманть.
Мордовия Республикань Прявтонь пресс-службась